' एकदिवशी...'

एकदिवशी ,
कोशातलं पाखरू आणि कार्पोरेट जगातला एक 'रोबोट'
दोघे मेट्रोच्या त्या मोठाल्या पिलर्सकडे बघत जात होते...
अचानक ;
दोघेही मला एकाचवेळी धडकले... आणि
ट्राफिक सिग्नलवर 'हिरव्याचा' - 'पिवळा'
त्यानंतर त्याच 'पिवळ्याचा' 'लाल' कधी होतोय
अशी वाट बघणारी मी... दचकले !

कोशातलं पाखरू ओरडलं ,
" हे पिलर्स पूर्ण व्हायच्या आत ,
आजचा मध गोळा करायचाय वाट सोड माझी !!!"
कार्पोरेट जगातला रोबोट
त्याच्याच धावत्या भाषेत वचकून बोलला ,
" सिटी बस सुटणार माझी आज ;
मेट्रोची वाट बघण्यातच आयुष्य जाणारेय , बाजूला हो...!!!!"

माणसांमधे फक्त 'लाल'च उरला होता
ऐकून होते ,
पण ;
आता भवतीच्या शृंगाराचाही 'लाल' होतोय
हे सांगणारा ठेंगू 'त्या' धडकेत
माझ्या डोक्याला आलाच होता...!!



                                                                                                       shamaldeepa00@gmail.com
                                                                                                                        शामल दीपा